恒指曾狂跌1000點 科網股可吼

今日港股其實對股友不薄，開市後至少有１小時給大家走鬼，以至反手沽期指

然後才逐步下跌，最多跌過1000點，全場牛證應該死得九九十十

較不好運的是撞正期指結算, SHORT PUT中伏者眾

所以我經常告誡大家，short put不能當恒常收息咁做，

價外不一定安全，要睇環境

要做的話，亦只能保守地做，要保證自已做足夠按金，帳面損失要心理上頂得順

但這樣一來，資金運用效率變得太低，幾萬元可能每月只賺１００幾十

所以有時要諗下買股票，今日來說，２６８，３５４，８００２這幾隻都不俗

可以小試牛刀

大陸股市下跌逾半成，累埋兄弟，港股出現較大跌幅，恒指現跌近５００點，國指唔見３００點

參考牛熊證分布，牛熊比是７７：２３，重貨區２６４００—２６６００，暫時仍能險守，可能在下周一結算日一舉攻破

期權操作上，由於下周一已是結算日，向上睇，２７４００　ＣＡＬＬ現仍可收９點期權金，

現價計足足有８００點空間，除非出現大奇跡日，否則算係派錢，值唔值博，自已諗

向下望，就唔似得陳鑑林咁話「下面反應好大」，剛好相反，２５８００　ＰＵＴ都係收１０點，唔見得十分吸引，但未至於食唔落，十分雞肋，若非拼命三郎，可以ｓｋｉｐ



個股方面，可以留意金蝶（２６８），今日回落至$5樓下，應有一定支持，現價可以短線博反彈

近日恒大地產（３３３３）竟在街頭巷尾都聽到有Ｃ９阿叔談論，肯定是市場炒作焦點，故只宜小注

股友Ｆ來料，叫睇實隻海通（６６５），不過嫌現價太貴，即使今日跌３％，似乎都未係入市時機，留意能否回落至＄７左右

美股方面，新上市的ＦＩＴ真係ＦＩＴ到漏油，一貫有膽就有得賺的公式，ＩＰＯ價＄２０，一上市已經見３０，而２，３個交易日曾高見４０，短炒想賺一兩成都無難度。不過留意，這些股分可能只會炒一轉，熱潮過後，現在就不要心急入市了。

恒指反覆回落 所為何事

回顧過去十個交易日，恒指由27800附近回落至今日26600點左右，下跌近1200點，幅度較想像中為大．早前幾日26600曾見支持並反彈，有力升至27000之上，可惜後勁不繼。十日內有如跌幅，估計是早前炒好消息過了火位，加上本周美國有重要消息公布，而A股亦唔生性，滬指跌近４％，連穿了５０００點及４９００關口，好友暫時走人可以理解。

技術走勢方面，ＲＳＩ已近超賣，可是ＭＡＣＤ未見有什麼改善。

不過跌還跌，短線炒家其實搵到下食，例如上周見短線牛熊證的資金流向捉到路，買牛反彈，買熊下跌，兩邊似乎各有捧場客，各有人賺錢，


參考即月期權近價26400 call 及 put ，兩者合計 880 點，故本人月頭分段沽出的23600 PUT2張及30000 CALL 1張,共收42點期權金，暫時應該十分穩陣。由於可見，雖然大市處於弱勢，但只要不是大跌，期權金可以袋袋平安。前提是本星期美國息口結果合符市場預期，不至於令市場出現過大波幅。參考牛熊證資料，牛證第一個密集區是26000，估計有機會一穿，期間可斬近3000張牛仔，另外244 - 24900亦有千張牛證，不過看來是持貨已久的投資者，大戶未必有力直搗此區。

收市抽高 388 又見$300 有好消息跟尾?

恒指10日小時圖在周四大幅滑落後見底反彈，
MACD出現上升訊號，RSI亦升回50中線之上，
結果今日周五近尾市出現了明顯抽升，
重上27000水平

就近日牛熊證所見，不少牛證在大市尋底期間搏反彈
最後亦如願有胡可食，但由於是短線操作
未捱到今日收市竟然已經掉轉槍，周四好倉45百萬資金流出
相反淡倉則有60百萬流入
看來好友會得勢不饒人

今日焦點之一的388，原來又是炒消息，而且看來並沒有什麼根據
就似是早兩日炒新沙士質低個市的相反炒作