抽新股無肉食 指數忽上忽落 個股有新目標

呢排幾乎隻隻抽新股都爆到唔清唔楚，無抽都唔可惜。你睇惠生國際(1340)，

招股價2.05，雖然開市2.20都係有得升，但唔多嘛，一手執300，

做一手黨（只申請一手）又好好彩的話，都有餐晏食；

如果孖展抽，300手才穩獲一手

頂頭搥飛仲慘，由於僅可獲分6手，手續費和利息等打佢2,000元，仲要蝕200大洋。


抽新股無肉食，恒指走勢亦無乜路捉，

尋日大升後，今朝承接美股餘勢續上，去到11點又突然轉向，跌近百點。

昨日指數舞高，期指結算或有影響，但論最大影響力都係一隻騰訊(700)

本來買賣指數原意係分散風險，家陣就好似一注買700升或跌


雖然作戰環境一般，但股市似要再升，總不能無一股在手。

始終較看好毅德（1396），今天先入此股

至於其他心水，則留待三月慢慢入貨建倉

順帶一提，強弱勢指數扭埋一齊，竟然又有買入訊號出現