近幾天，股票是直線下跌，每日跌１，２成皆有之，損手難免，尤幸自己識期權，在大時代中反敗為勝。
以下是點點觀察和心得
１ 反手要快。最初還是抱有一點希望看好，好運是見勢色不對，立即反手造淡，打下贏錢關鍵
２ 由於市況步速高，一定要全日睇市。就算睇岩市，由於心理總想食胡，所以要識得食完又開倉。例如，我６９點ｌｏｎｇ的國指１１０００ｐｕｔ，在今朝很快沽了，本以為個市已經跌完，但之後見個市似乎仲未好轉，此時就要有膽下決定再入市。
３第二次入市不要心急，要等市況相對平靜的時段。在大時代下，期權的引伸波幅即日變化大，早上１１點，下午２點會有較好價位
４第二次入市，我用了ｌｏｎｇ ｃａｌｌ＋ｐｕｔ，其實，我是看淡的，但要記著，市況波動，方向有時難估，買了兩邊可以心安一些，而且，當是但爆一邊，另一隻腳其實唔使點蝕的
５以我開的９６００ｐｕｔ和１２６００ｃａｌｌ為例，當我ｐｕｔ食胡時（２點左右開，３點半左右平），ｐｕｔ期權金升了足足１００％，但ｃａｌｌ只是稍跌了２０％，非常理想。
６今次基本上我已經捉到正指數見底個下，而今次反彈有力水，如果ｃａｌｌ拆倉時機更好，甚至可以連ｃａｌｌ都有賺。
７但如果不是太强力的反彈的話，ｃａｌｌ未必會有得賺的。這就引伸了一點，開倉時，兩邊ＤＥＬＴＡ（絕對值）打平手，但到拆倉時，ＤＥＬＴＡ（絕對值）必然是一大一細，你會發現，好似今日咁，指數一旦開始反彈，ＰＵＴ就會回得很急，但ＣＡＬＬ係初期唔識反應，換言之，本來已經在ＰＵＴ到手的利潤，好快就會唔見一大截，但ＣＡＬＬ就幫補唔到幾多，所以，當見到兩張期權的ＤＥＬＴＡ開始相差太遠，就要準備隨時撤退。寧願之後再開。
